Случилось то, что случилось. У одних близкие уже оказались в зоне военных действий, у других окажутся в ближайшее время. Кто-то выбрал это сам, посвятив себя и свою жизнь воинской службе, за кого-то выбрали другие. Многим россиянам в ближайшее время предстоит пройти тяжелые испытания. В такие моменты люди ищут внутреннюю опору и часто находят ее в Вере.
Укрепление Духа – одно из главных стремлений каждого человека, особенно в неспокойные времена. Молитва – это один самых простых и действенных инструментов. Через молитву мы соединяемся с Высшими Силами и взаимодействуем со своим Высшим Я.
Кого просить о небесном заступничестве, если вы военнослужащий по зову сердца или были призваны на военную службу? Кому и как молиться за сына в армии или за мужа на войне? Этими вопросами задаются многие верующие. Ниже приведены молитвы разным Святым для того, чтобы укрепить боевой дух воинов, оградить страну от врагов внешних и внутренних, получить небесное покровительство и заступничество.
Образы Спасителя, покровительствующие военным
К образам Спасителя обращаются матери, вознося молитвы за сыновей в армии, ему молятся солдаты перед сражениями на воде, на суше и в воздухе. К Господу возносят молитвы за Отчизну, за сохранение ее границ, за победу над врагами, за стойкость в сражениях.
Спас в силах.
Этот образ помогает воинам перед и во время сражений, его просят о помощи и заступничестве перед лицом врага. У этого образа солдаты возносят ежедневную молитву.
Молитва к Иисусу Христу о прощении, заступничестве и милости перед военными сражениями.
В руце Твоего превеликаго милосердия, о Боже мой, вручаю душу и тело мое, чувства и глаголы моя, советы и помышления моя, дела моя и вся тела и души моея движения. Вход и исход мой, веру и жительство мое, течение и кончину живота моего, день и час издыхания моего, преставление мое, упокоение души и тела моего. Ты же, о Премилосерде Боже, всего мира грехами непреодолеваемая Благосте, Незлобиво Господи, мене, паче всех человеков грешнейшаго, приими в руце защищения Твоего и избави от всякаго зла, очисти многое множество беззаконий моих, подаждь исправление злому и окаянному моему житию и от грядущих грехопадений лютых всегда восхищай мя, да ни в чемже когда прогневаю Твое человеколюбие, им же покрывай немощь мою от бесов, страстей и злых человеков. Врагом видимым и невидимым запрети, руководствуя мя спасенным путем, доведи к Тебе, пристанищу моему и желаний моих краю. Даруй ми кончину христианску, непостыдну, мирну, от воздушных духов злобы соблюди, на страшном Твоем суде милостив рабу Твоему буди и причти мя одесную благословенным Твоим овцам, да с ними Тебе, Творца моего, славлю во веки. Аминь.
Молитва вседневная воинская для солдат любых родов войск, находящихся на службе в армии
Боже великий и многомилостивый! Не имам иныя помощи, не имам инаго утешения, разве Тебе, Владыко. Ко Твоему величеству припадаю, безмерную Твою благость смиренно моляще: призри на мя, недостойнаго раба Твоего, в труде ратнем (воинском) подвизающагося, и низпошли руку Твою, во еже помощи ми. Се должен семь и хощу достойно ходити честнаго звания моего, в нужде же и обстоянии Отечества моего стояти за правду его до последняго моего издыхания, якоже обещахся Ти в день клятвы моея. Обаче без воли Твоея ничтоже есть человек. Сего ради к Тебе, Содетелю, простираю руце мои и Тебе прошу: просвети ум мой, во еже скоро прияти и спешно навыкнути преподаваемому нам учению ратному, сердце мое исполни терпения и любве к милующим мя и к досаждающим ми, хотение мое направи к верной службе Отечеству моему и законам его, якоже христолюбивому воину благопристойно есть и надлежит. Отжени от мене помышления лукавыя, отврати всяку болезнь и печаль и воздыхание. Даждь ми, Господи, твердое стояние в Святой Православной Вере отцев моих и на всяк день память молитвеннаго благословения матере моея. Отечество наше, Господи, в мире и единомыслии сохрани, Церкви Твоей Святой подаждь благостояние и в Вере преспеяние. Правительству и военачальником нашим даруй мудрость и силу, вложи в сердца их благая о людех Твоих, доблестное воинство наше покажи врагам победительно, слабым заступление и всем людем Твоим подаждь яже ко временной и вечной жизни потребная. Родители моя, братия, сестры, жену, чада и вся ближняя рода моего во здравии и долгоденствии соблюди. Избави я от всякия скорби и нужды, даруй им изобилие плодов земных и во всех благих начинаниих Помощник им буди. К нимже и мене во время свое благополучна возврати, да радующеся милостем Твоим, всегда благословим Всесвятое имя Твое, Отца и Сына и Святаго Духа.
Спас Благое молчание
Образ просят о даровании смирения перед лицом страданий и смерти. Также молятся за военнопленных и раненных солдат.
Молитва к Иисусу о хранении молчания и смирении перед опасностью
Положи, Господи, хранение устом моим, — так взывает к Тебе псалмопевец царь Давид, такожде и я безплодно взываю к Тебе: наложи на уста моя запрет благаго молчания и даждь ми безсловесное делание молитвы Твоей Иисусовой. Излей на душу мою цельбоносный елей радования о сем благом молчании хотя бы на малое время, ибо ведаю я, что многоглаголание отгоняет благодать и погубляет теплоту души. Подобно тому, как Ты, Господи, на Голгофе в молчании висящий, и среди молчания предсмертного возвестил волю на Матерь Свою и возлюбленного ученика Своего Иоанна, подобно этому и я, в слезном молчании пред ликом «Благое молчание» стоящий, прошу Тебя: покрой мое многословие, и приведи меня к пристани благаго молчания, связующаго уста мои на сие богомудрое делание, и введи меня в пустыню сердца моего, где обитает безмолвие ума. Научи меня, трепетно исповедующаго сие благое молчание, прибегать к Тебе чрез лики в благом молчании пребывающих Пречистыя Матери Твоея и Святаго Апостола, Сына Грома и благаго молчания, Иоанна Богослова. За молитвы их и предстательство безмолвника Исихия и прочих ведомых и неведомых в забвении времен и мест безмолвников и молчальников помилуй мя, грешнаго. Аминь.
Молитва заключенного воина об освобождении
Долготерпеливе и многомилостиве Господи! Припадаю к Тебе, аз сый узник, моляся тепле: якоже сильный Сампсон позна свое безсилие, егда бе под стражею и обратися к Тебе, всесильному Богу, окованный путы железными; якоже нечестивый Манассия в пленении и темнице взыска Тебе, истиннаго Бога; якоже пленнии иудее паче на земли чуждей уразумеша Тебе, Бога отец своих; якоже блудный сын воспомяну отца своего, егда, отшед на страну далече, нача изгибати гладом: тако и аз отныне токмо познаю Тебе и прилежнее молю. Отчужден есмь аз ныне общения с человек: но Ты, еси взыскуяй отчужденных. Несть со мною зде ни отец, ни мать, ни брат, ни един от другов моих, да помогут ми, не услышит отсюда моего вопля никтоже от них: но Ты близ еси всем скорбящим и призывающим Тя во истине. О милосердый Боже! Аще аз и паче числа песка морскаго согреших пред Тобою, аще и несмь достоин воззрети на высоту небесную от множества грехов моих: но Ты, непамятозлобив сый, приими мя кающагося. Тебе единому согрешит, но и Тебе единому каюся, Всемилостиве Господи! прежде даже до конца не погибну, спаси мя.
Спас на Убрусе
Этот образ является символом защиты от врагов и сохранения границ государства. Раньше его часто размещали на главных воротах в город. Особенно почитается в Пограничных войсках.
Молитва к Господу о заступничестве от вторжения врагов
О, Преблагий Господи Иисусе Христе, Боже наш, Ты древле человеческаго естества Твоего лице, пресвятою водою смыв и убрусом отер, чудесно убо на том же убрусе изобразити Себе и Эдесскому князю Авгарю во исцеление его от недуга послати благоволил еси. Се и мы ныне грешнии рабы Твои, душевными и телесными недуги нашими одержимы, лица Твоею, Господи, ищем, и с Давидом во смирении душ наших зовем не отврати лица Твоею, Господи, от нас, и не отклонися гневом от рабов Твоих, помощник нам буди, не отрини нас и не остави нас. О, Всемилостивый Господи, Спасителю наш, изобрази Сам Себе в душах наших, да во святыни и правде жительствующе, будем сынове Твои и наследницы Царствия Твоего, и тако Себе, Премилостиваго Бога нашего, купно со Безначальным Отцем Твоим и Пресвятым Духом славити не престанем во веки веков. Аминь
Тропарь
Пречистому Образу Твоему по кланяемся, Благий, просяще прощения прегрешений наших, Христе Боже волею бо благоволил eси плотню взыти на Крест, да избавиши, яже создал еси, от работы вражия. Тем благодарственно вопием Ти: радости исполнил еси вся, Спасе наш, пришедый спасти мир.
Спас Всемилостевый
Этот образ много столетий считается покровительствующим русским воинам. Матери молятся этому образу за сыновей, проходящих службу в армии.
Молитва матери за сына в армии
Господи Иисусе Христе, Сыне Божий, молитв ради Пречистыя Твоея Матери услыши мя, недостойную рабу [или раба] (имя). Господи, в милостивой власти Твоей чада моя [или чадо мое], рабы Твоя (имена), помилуй и спаси их, Имени Твоего ради. Господи, прости им все согрешения вольные и невольные, совершенные ими пред Тобою. Господи, настави их на истинный путь Твоих заповедей, и разум просвети светом Христовым во спасение души и исцеление тела. Господи, благослови их службу в армии, на суше, воздухе и в море, в пути, летании и плавании и на каждом месте Твоего владычества. Господи, сохрани их силою Честного и Животворящего Креста Твоего под кровом Твоим святым от летящей пули, стрелы, меча, огня, от смертоносной раны, водного потопления и напрасной смерти. Господи, огради их от всяких видимых и невидимых врагов, от всякой беды, зол, несчастий, предатель ства и плена. Господи, исцели их от всякой болезни и раны, от всякия скверны и облегчи их душевные страдания. Господи, даруй им благодать Духа Твоего Святаго на многие годы жизни, здравия и целомудрия во всяком благочестии и любви в мире и единодушии с окружающими их начальствующими, ближними и дальними людьми. Господи, умножь и укрепи им умственные способнос ти и телесные силы, здравы и благополучны возврати их в родительский дом. Всеблагий Господи, даруй мне, недостойной и грешной рабе Твоей (имя), родительское благословение на чад моих (имена) в настоящее время утра, дня, ночи, ибо Царствие Твое вечно, всесильно и всемогущественно. Аминь.
Иконы Пресвятой Богородицы, перед которыми молятся за военных
Божия Матерь – Мать всех матерей, потому к ней, как ни к какому другому святому, обращаются с молитвами матери и жены военных.
Семистрельная икона Божией Матери (Умягчение злых сердец)
О смягчении гнева, обид и недопущении войны, о примирении враждующих. Солдаты, находящиеся в плену, молятся о милосердии врага. Моряки, попавшие в кораблекрушение, просят о спасении.
Молитва о смягчении гнева и установлении мира между враждующими сторонами
О кто не ублажит Тя, Дево Благодатная, кто не воспоет Твое милосердие к роду человеческому. Тебе молимся, Тебя просим, не остави нас во зле погибающих, раствори любовию сердца наши и ко врагам нашим пошли стрелу Свою, да уязвляет сердца наши миром к гонящим нас. Аще мир нас ненавидит — Ты простри любовь Свою к нам, аще мир нас гонит — Ты приими нас, подаждь нам Благодатную силу терпения — без ропота перенести испытания в мире сем бываемая. О, Госпоже! Умягчи сердца злых человеков, восстающих на нас, да не погибнут сердца их во зле, — но умоли, Благодатная, Сына Твоего и Бога нашего, да умирит сердца их миром, дьявол же — отец злобы — да посрамится! Мы же, воспевая милосердие Твое к нам, злым, непотребным, воспоем Ти, о Пречудная Госпоже Дево Благодатная, услыши нас в час сей, сокрушенныя сердца имущих, огради нас с миром и любовию друг ко другу и ко врагам нашим, искорени от нас всякую злобу и вражду, да воспоем Тебе и Сыну Твоему, Господу Иисусу Христу нашему: Аллилуиа! Аллилуиа! Аллилуиа!
Владимирская Икона Божией Матери
О спасении себя и страны во время войны, о защите России от внутреннего раскола, о примирении враждующих сторон.
Молитва о примирении и защите от нашествия врагов и междоусобной брани.
О Всемилостивая Госпоже Богородице, Небесная Царице, Все-мощная Заступнице, непостыдное наше Упование! Благодаряще Тя о всех великих благодеяниях, в роды родов людем российским от Тебе бывших, пред пречистым образом Твоим молим Тя: сохрани град сей (или: весь сию, или: святую обитель сию) и предстоящия рабы Твоя и всю землю Русскую от глада, губительства, земли трясения, потопа, огня, меча, нашествия иноплеменных и междоусобныя брани. Сохрани и спаси, Госпоже, Великаго Господина и Отца нашего Алексия, Святейшаго Патриарха Московскаго и всея Руси, и Господина нашего (имя рек), Преосвященнейшаго епископа (или: архиепископа, или: митрополита) (титул), и вся Преосвященныя митрополиты, архиепископы и епископы православныя. Даждь им Церковь Российскую добре управити, верныя овцы Христовы негиблемы соблюсти. Помяни, Владычице, и весь священнический и монашеский чин, согрей сердца их ревностию о Бозе и достойно звания своего ходити коегождо укрепи. Спаси, Госпоже, и помилуй и вся рабы Твоя и даруй нам путь земнаго поприща без порока преити. Утверди нас в вере Христовой и во усердии ко Православней Церкви, вложи в сердца наша дух страха Божия, дух благочестия, дух смирения, в напастех терпение нам подаждь, во благоденствии — воздержание, к ближним любовь, ко врагом всепрощение, в добрых делех преуспеяние. Избави нас от всякаго искушения и от окамененнаго нечувствия, в страшный же день Суда сподоби нас ходатайством Твоим стати одесную Сына Твоего, Христа Бога нашего. Емуже подобает всякая слава, честь и поклонение со Отцем и Святым Духом, ныне и присно, и во веки веков. Аминь.
Державная икона Божией Матери
О мире внутри страны и защите Родины от внешних и внутренних врагов.
Молитва о сохранении мира в стране.
Мира Заступнице, Мати всепетая! Со страхом, верою и любовию припадающе пред честною иконою Твоею Державною, усердно молим Тя: не отврати лица Твоего от прибегающих к Тебе. Умоли, милосердная Мати Света, Сына Твоего и Бога нашего, сладчайшаго Господа Иисуса Христа, да сохранит в мире страну нашу, да утвердит державу нашу в благоденствии, и избавит нас от междоусобныя брани, да укрепит святую церковь нашу православную, и незыблему соблюдет ю от неверия, раскола и ересей. Не имамы иныя помощи, разве Тебе, Пречистая Дево; Ты еси всесильная христиан Заступница пред Богом, праведный гнев Его умягчая, избави всех с верою Тебе молящихся от падений греховных, от навета злых человек, от глада, скорбей и болезней. Даруй нам дух сокрушения, смирение сердца, чистоту помышлений, исправление греховныя жизни и оставление согрешений наших; да вси, благодарно воспевающе величие Твое, сподобимся Небеснаго Царствия, и тамо со всеми святыми прославим Пречестное и Великолепое имя в Троице славимаго Бога, Отца и Сына и Святаго Духа. Аминь.
Казанская икона Божией Матери
Молятся об избавлении от нашествия врагов. К ней обращаются солдаты перед боем или военным походом. Перед образом молятся матери за сыновей на войне.
Молитва о сохранении мира в стране, ее можно читать за военных и солдат.
О, Пресвятая Госпоже Владычице Богородице! Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе. Умоли, милосердая Мати, Сына Твоего и Бога нашего, Господа Иисуса Христа, да сохранит мирно страну нашу, Церковь Свою святую да незыблему соблюдет от неверия, ересей и раскола. Не имамы бо иныя помощи, не имамы иныя надежды, разве Тебе, Пречистая Дево, Ты еси всесильная христиан Помощница и заступница. Избави всех, с верою Тебе молящихся, от падений греховных, от навета злых человек, от всяких искушений, скорбей, бед и от напрасныя смерти. Даруй нам дух сокрушения, смирение сердца, чистоту помышлений исправление греховныя жизни и оставление прегрешений, да вси благодарне воспевающе величия Твоя, сподобимся Небеснаго Царствия, и тамо со всеми святыми прославим Пречестное и Великолепое имя Отца и Сына и Святаго Духа. Аминь.
Почаевская икона Божией Матери
Перед образом испрашивают помощь в защите дома, города или страны от вторжения врагов. Ей молятся также об освобождении из плена. Эта икона особенно почитается в пограничных войсках, призванных оберегать границы нашей Родины от «непрошенных гостей», икона не раз спасала Почаевский монастырь от врагов.
Общая молитва
Молитва К Тебе, о Богомати, молитвенно притекаем мы, грешнии, чудеса Твоя во святей Лавре Почаевстей явленная гюминающе и о своих сокрушающеся прегрешениих. Вемы, Владычице, вемы, яко не подобаше нам, грешным, чесого просити, токмо о еже Праведному Судии беззакония наша оставити нам. Вся бо, нами в житии претерпенная, скорби же, и нужды, и болезни, яко плоды падений наших, прозябоша нам, Богу сия на исправление наше попущающу. Темже вся сия истиною и судом Своим наведе Господь на грешныя рабы Своя, иже в печалех своих к заступлению Твоему, Пречистая, притекоша и во умилении сердец к Тебе взывают сице: грехов и беззаконий наших, Благая, не помяни, но паче всечестныя руце Твоя воздвигши к Сыну Твоему и Богу предстани, да люте содеянная нами отпустит нам, да за премногия неисполненная обещания наша лица Своего от рабов Своих не отвратит, да благодати Своея, спасению нашему пособствующия, от душ наших не отъимет. Ей, Владычице, буди спасению нашему Ходатаица и, малодушия нашего не возгнушавшися, призри на стенания наша, яже в бедах и скорбех наших пред чудотворным Твоим образом возносим. Просвети умиленными помыслы умы наша, веру нашу укрепи, надежду утверди, любве сладчайший дар сподоби нас прияти. Сими убо, Пречистая, дарованьми, а не болезньми и скорбьми живот наш ко спасению да возводится, но от уныния и отчаяния души наша ограждающи, избави нас маломощных от находящих на ны бед, и нужд, и клеветы человеческия и болезней нестерпимых. Даруй мир и благоустроение жительству христианскому предстательством Твоим, Владычице, утверди православную веру в стране нашей, во всем в мире. Церковь Апостольскую и Соборную умалению не предаждь, уставы святых отец на веки непоколебимы сохрани, всех к Тебе притекающих от рова погибельнаго спаси. Еще же и ересию прельщенных братии наших или веру спасительную в греховных страстех погубивших паки ко истинней вере и покаянию приведи, да вкупе с нами Твоему чудотворному образу поклоняющеся Твое предстательство исповедят. Сподоби убо нас, Пречистая Госпоже Богородице, еще в животе сем победу истины Твоим заступлением узрети, сподоби нас благодатную радость прежде кончины нашея восприяти, якоже древле насельники почаевстии Твоим явлением победители и просветители агарян показала еси, да вси мы благодарным сердцем вкупе со ангелы, и пророки, и апостолы, и со всеми святыми Твое милосердие прославляюще, воздадим славу, честь и поклонение в Троице певаемому Богу Отцу, и Сыну, и Святому Духу во веки веков. Аминь.
Тихвинская икона Божией Матери
Образ традиционно считается покровительствующим детям. Перед ним часто возносят свои молитвы матери за сыновей в армии. Они молятся об усмирении бунтарского духа детей, даровании им мужества и отваги во время службы.
Молитва о сохранении мира в стране и защиты от врагов, читается также за сына, служащего в армии.
Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниих Твоих, яже показала еси роду человеческому, наипаче же нам, христоименитым людем российскаго народа, о нихже ниже самый ангельский язык к похвалению доволен будет. Благодарим Тя, яко и ныне удивила еси неизреченную Свою милость на нас, недостойных рабех Твоих, преестественным самопришествием пречистыя Твоея иконы, еюже всю просветила еси Российскую страну; темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй вся люди, и подаждь им победы на вся враги их, и сохрани вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и покланяющимся пресвятому образу Твоему: яко благословенна еси с Рождшимся от Тебе Сыном и Богом, ныне и присно и во веки веков. Аминь.
Трех радостей, икона Божией Матери
Об оправдании незаслуженно оклеветанных, об освобождении военнопленных и спасении раненных.
Молитва за солдата, попавшего в плен, оклеветанного или раненого.
О, Пресвятая Дево, Всеблагаго Сына Мати Всеблагая, царствующаго града и святаго храма сего Покровительнице, всем сущим во гресех, скорбех, бедах и болезнех верная предстательнице и заступнице! Не презри моления нас недостойных рабов Твоих, и умоли Сына Твоего и Бога нашего, да всем нам с верою и умилением поклоняющимся пред чудотворным образом Твоим, дарует по коегождо потребе радость: сущим в скорбях и печалех утешение. Бедствующим милосердие; сущим в многонедужии нечаемое исцеление и укрепление. О, Господе Пресвятая, умилосердися о всех чтущих всечестное имя Твое и всем яви всемощный покров Твой и заступление: всякому делу Сыну Твоему угодному, споспешествуй; всякое дело злое разруши; в недоумении и трудных, в опасных обстояниих обретающимся незримую помощь и вразумление с небес ниспосли. Младенцы воспитай, юныя уцеломудри, отверзи им ум к приятию всякаго полезнаго учения. От домашния брани и от врагов видимых и невидимых защити и сохрани. Супружества в любви и единомыслие сохрани и вражды единокровных миром и любовию огради. Всем же нам даждь друг ко другу любовь, благочестие и здравие с долгоденствием. Преставившияся в вере и покаянии от жития сего со Ангелы и всеми святыми жити сотвори: да вси на небеси и на земли ведят Тя, яко твердую и непостыдную предстательницу нашу рода христианскаго и ведуще славят Тя и с Тобою Сына Твоего, с безначальным Его Отцем и Единосущным Его Духом, ныне и присно и во веки веков. Аминь.
Икона Божией Матери «Нерушимая стена»
О спасении страны от врагов, и ее благополучии в целом. Образ считается покровительствующим пограничным войскам и всем, кто заботится о защите государства от недоброжелателей.
Молитва о защите дома, города или страны от врагов
Владычица Непорочная, недаром зовущаяся «Нерушимая стена», будь преградой для всех тех, кто замышляет вражду и зло против меня, моих близких и моего дома. Стань для нас нерушимой крепостью, ограждающей нас и наше жилище от всяких бед и тяжких обстоятельств. Аминь
Смоленская Божия Матерь, Одигитрия
О защите земли русской от войн и распрей. Образ также считается покровительствующим всем, кто несет свою службу вдали от Родины или на ее границах.
Молитва о военнослужащих за пределами своей страны
О Пречудная и Превышшая всех тварей Царице Богородице, Небеснаго Царя Христа Бога нашего Мати, Пречистая Одигитрие Марие! Услыши нас грешных и недостойных в час сей молящихся и припадающих к Твоему Пречистому Образу со слезами и умиленно глаголющих: изведи нас от рова страстей, Владычице Преблагая, избави нас от всякия скорби и печали, огради от всякия напасти и злыя клеветы, и от неправеднаго и лютаго навета вражия. Можеши бо, о Благодатная Мати наша от всякаго зла сохранити люди Твоя и всяким благодеянием снабдити и спасти; разве Тебе иныя Предстательницы в бедах и обстояниях, и теплыя Ходатаицы о нас, грешных, не имамы. Умоли, Госпоже Пресвятая, Сына Твоего Христа Бога нашего, да удостоит нас Царствия Небеснаго; сего ради всегда славим Тя, яко Виновницу спасения нашего, и превозносим святое и великолепное имя Отца и Сына и Святаго Духа, в Троице славимого и поклоняемаго Бога, во веки веков. Аминь.
Икона Божией Матери Спасительница Утопающих
О спасении на воде. Образ также считается покровительствующим морякам и военно-морскому флоту.
Молитва о здравии военных моряков. Эту молитву также читают за солдата, уходящего служить в армию в военно-морской флот
Заступница усердная, Мати Господа Вышняго! Ты еси всем Христианом помощь и заступление, паче же в бедах сущим. Призри ныне с высоты святыя Твоея и на ны, с верою покланяющияся Пречистому образу Твоему, и яви, молим Тя, скорую помощь Твою по морю плавающим и от ветров бурных тяжкия скорби терпящим. Подвигни и вся православныя христианы на спасение в водах утопающих, и воздаждь подвизающимся о сем богатыя милости и щедроты Твоя. Се бо, на образ Твой взирающе, Тебе, яко милостивно сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и напаствуемых. Ты по Бозе наша Надежда и Заступница, и на Тя уповающе, сами себе, и друг друга, и весь живот наш Тебе предаем во веки веков. Аминь.
Святые угодники, покровительствующие военным
Среди святых божиих угодников существуют те, кто сами были воинами при земной жизни или те, кто прославился различными чудесами в военных делах. К ним часто обращаются военные, их родные и близкие с молитвами о небесном заступничестве и покровительстве.
Архангел Михаил Архистратиг Божий (предводитель небесного воинства)
Почитается как небесный покровитель земли русской и главный заступник воинов, которые ведут свою борьбу во имя блага и добра. Ему молятся о защите от врагов тайных и явных.
Молитва Архистратигу Михаилу.
Святый и великий Архистратиже Божий Михаиле, ниспровергий с небесе диавола и воинство его! К тебе с верою прибегаем и тебе с любовию молимся, буди щит несокрушим и забрало твердо Святей Церкви и православному Отечествию нашему, ограждая их молниеносным мечем твоим от всех враг видимых и невидимых. Буди Ангел хранитель, наставник премудр и споспешник предводителем нашим. Буди вождь и соратай непобедимь христолюбивому воинству нашему, венчая его славою и победами над супостаты, да познают вси противляющиися нам, яко с нами Бог и святии Ангелы Его. Аминь.
Александр Невский, Святой Благоверный Великий Князь
К нему обращаются перед сражением для укрепления боевого духа, стойкости и решимости. Почитается как покровитель войск специального назначения, военных дипломатов и морской пехоты ВМФ России
Скоpый помощниче всех yсеpдно к тебе пpибегающих, и теплый наш пpед Господем пpедстателю, святый благовеpный великий княже Александpе! пpизpи милостивно на ны недостойныя, многими беззаконми непотpебны себе сотвоpившия, к pаце мощей твоих ныне пpитекающия и из глyбины дyши взывающия: ты в житии своем pевнитель и защитник пpавославныя веpы был еси, и нас в ней теплыми твоими к Богy молитвами непоколебимы yтвеpди. Ты великое возложенное на тя слyжение тщательно пpоходил еси, и нас твоею помощию пpебывати коегождо, в неже пpизван есть, настави. Ты, победив полки сyпостатов, от пpеделов Российстих отгнал еси, и на нас ополчающихся всех видимых и невидимых вpагов низложи. Ты, оставив тленный венец цаpства земнаго, избpал еси безмолвное житие, и ныне, пpаведно венцем нетленным yвенчанный, на небесах цаpствyющи, исходатайствyй и нам, смиpенно молим тя, житие тихое и безмятежное, и к вечномy Цаpствию Божию шествие неyклонное yстpой нам. Пpедстоя же со всеми святыми пpестолy Божию, молися о всех пpавославных хpистианах, да сохpанит их Господь Бог Своею благодатию в миpе, здpавии, долгоденствии и всяцем благополyчии в должайшая лета, да пpисно славим и благословим Бога, в Тpоице Святей славимаго, Отца и Сына и Святаго Дyха, ныне и пpисно и во веки веков. Аминь.
Дмитрий Донской, Святой Благоверный Князь
Святой покровитель воинов, защищающих русскую землю. Ему молятся об укреплении страны, сохранении ее единства, защиты от внешних и внутренних угроз, а также об укреплении народной веры.
Молитва Дмитрию Донскому перед сражением
Святый великомучениче Христов Димитрие! Предстоя со дерзновением Небесному Царю, испроси у Него прощение согрешений наших и о еже избавитися нам, окаянным (имена) от всегубительныя язвы, огня и вечныя казни. Моли благость Его, еже ущедрити приход (или дом) сей и храм наш. Испроси нам благодатное укрепление на дела благая, да благоугодное Владыце нашему Христу Богу зде творяще, сподобимся молитвами Твоими наследовати Царствие Небесное и тамо прославляти Его, со Отцем и Святым Духом, во веки веков.
Тропарь
Велика обрете в бедах тя поборника земля Русская, языки побеждающа. Якоже на Доне Мамаеву низложил еси гордыню, на подвиг сей прияв благословение преподобнаго Сергия, тако, княже Димитрия, Христу Богу молися даровати нам велию милость.
Георгий Победоносец, Святой великомученик
Покровитель воинов, и всех людей, чья жизнь связана с защитой государства. Он является также покровителем воинов-новобранцев. И кроме того — небесным покровителем Москвы.
Молитва к Георгию Победоносцу об укреплении государства российского, помощи в сражениях и защите Отечества от врагов
О всехвальный, святый великомучениче и чудотворче Георгие! Умоли Человеколюбца Бога, скорый помощниче всех призывающих тя, да не осудит нас, грешных, по беззаконием нашым, но да сотворит с нами по велицей Своей милости и подаст православному Отечеству нашему и всему боголюбивому воинству на супостаты одоление; да укрепит государство Российское непременяемым миром и благословением; изряднее же да оградит нас святых Ангел Своих ополчением, во еже избавитися нам, по исходе нашем из жития сего, от козней лукаваго и тяжких воздушных мытарств его, и неосужденным предстати престолу Господа славы. Аминь.
Александр Пересвет и Андрей Ослябя, Радонежские святые монахи-воины
Оба монаха почитаются как святые покровители военных. К ним обращаются перед предстоящим боем и во время него с просьбами об укреплении боевого духа и веры в победу над врагом.
Молитва о даровании победы над врагом и укреплении у воинов православной веры.
Воини небеснии, ангели досточтимии, сокрушенно к вам припадаем и с плачем умиленным просим: Не оставите землю русскую, напасти от врагов терпящу, изменами исполненну, лицемерством диавольским задавленну. Умолите Бога Вседержителя о спасении народа нашего, в подвизех монахов укрепите, Церковь русскую от расколов, ересей, лжеучений уберегите, народу русскому православное единство, праведное, о Бозе, умолите, войско русское в Православии утвердите, победы оному на полях сражения даруйте. Святии преподобнии воини Александре Пересвете и Андрее Ослябя, молите Бога о нас, грешных. Аминь.
Дмитрий Солунский, Святой воин-великомученик
Почитается как святой покровитель военнослужащих. Ему молятся о даровании помощи при нашествии врагов, о спасении на поле боя. Является покровителем города Дмитрова.
Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя со дерзновением Небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрити град сей и всякую страну христианскую. Исходатайствуй у Царя царствующих воинству нашему на враги победу и одоление, стране нашей православной мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоугодная Владыце нашему Христу Богу зде творяще, сподобимся молитвами твоими наследовати Царствие Небесное, идеже вкупе с тобою прославим Его со Отцем и Святым Духом. Аминь.
Никита Воин (Бесогон), святой великомученик
Известен как покровитель военных в православии. С молитвой к нему обычно обращаются при всякого рода духовной брани и в борьбе со всякой нечистью. По его молитвам верующие получают ходатайство пред Богом о помощи в победе над врагом.
Молитва к Никите Воину о победе над врагами, видимыми и невидимыми
О великий страстотерпче Христов и чудотворче великомучениче Никито! Припадающе к святому и чудотворному образу твоему, подвиги же и чудеса твоя и многое сострадание твое к людем прославляюще, молим тя прилежно: яви нам, смиренным и грешным, святое и многомощное твое заступление: се бо, грех ради наших, не имамы свободы чад Божиих, еже о потребах наших Господа и Владыку нашего дерзновенно просити, но тебе молитвенника к Нему благоприятнаго предлагаем и о твоем предстательстве взываем: испроси нам у Господа благопотребныя дары душам и телесем нашим: веру правую, спасения надежду несумненную, любовь же ко всем нелицемерную, во искушениих мужество, в злостраданиих терпение, в молитвах постоянство, душ и телес здравие, земли плодоносие, воздуха благорастворение, житейских потреб довольство, мирное и благочестное на земли житие, христианскую жития кончину и добрый ответ на Страшнем Судище Христовем. Еще, о страстотерпче Христов, у Царя Небеснаго испроси всем православным христианом мир, здравие и спасение, на враги победу и одоление, всей же богохранимей стране нашей благоустроение, тишину и благоденствие. Христолюбивому воинству буди соратай и помощник на враги, и всем людем православным яви твое святое заступление: болящия исцели, скорбящия утеши, бедствующим помози. Ей, угодниче Божий и мучениче долготерпеливый! Всех убо нас приведи в тихое пристанище спасения и наследники сподоби быти пресветлаго Царствия Христова святыми твоими молитвами, да славим и поем великия щедроты Отца и Сына и Святаго Духа, в Троице славимаго и покланяемаго Бога, и твое святое заступление во веки веков. Аминь.
Борис и Глеб, Святые Благоверные Князья российские, старотерпцы
Почитаются как святые покровители военных. Им молятся о защите Родины или дома при нашествии врагов, о прекращении конфликтов, о добром нраве правителей страны и даровании воинам мужества перед лицом смертельной опасности.
О двоице священная, святии страстотерпцы Борисе и Глебе, от юности Христу верою, чистотою и любовию послужившии, и кровьми вашими яко багряницею украсившиися, и ныне со Христом царствующии! Будите нам теплии заступницы, оградите всех нас от всякий скорби, озлоблений и внезапныя смерти. Молим вас, христолюбивии страстотерпцы, споспешествуйте державе Российстей к победе на враги, якоже некогда благоверному князю Александру Невскому на Ледовом побоище Чудском и на брегах Невы. Да несут Российстии воини страх врагам, свободу угнетенным народам и мир на земли, да в тихом житии поживут людие и во всяком благочестии славят Бога Отца и Сына и Святаго Духа. Аминь.
Иоанн Воин, святой мученик
Покровитель воинов. Ему молятся об одержании победы перед битвой. А также об освобождении из плена или любого заточения. По его молитвам верующие получают ходатайство пред Богом о спасении заложников, захваченных террористами.
Молитва Иоанну Воину перед битвой
О, мучениче Христов Иоанне Воине! Храбрый во бранех, и скорый заступник православных христиан в бедах и напастях их, по данной благодати от Бога! Буди нам поборник крепок на вся видимыя и невидимыя враги наша. Воинству нашему на враги победу даруй, да смирятся противящиися нам и вразумятся, и Бога истиннаго познают и святую Его Церковь Православную. Мы же, грешнии, да сподобимся прославляти Господа Спаса нашего во Царствии Его вкупе с тобою во веки. Аминь.
Молитва Иоану Воину о тех, кто находится в плену
Всеблагаго Бога и Царя благоверный раб и воин явился еси, Иоанне чудодетелю, страдав бо ради веры мужески, блаженно же скончав течение, зриши Всетворца Господа в небесех светлейше, от Негоже прием дарование чудес, страждущим человеком во всяких напастех помогаеши: укрепляеши воины в ратех, от врагов пленения, ран же и внезапных смертей и от бед лютых изымаеши. Темже моли Владыку Христа, приснопамятне, да во всяком обстоянии сотворит нам милость и не введет нас во искушения, но спасет души наша, яко Человеколюбец.
Воин-мученик Меркурий Смоленский
Святой покровитель воинов. С молитвой к нему обращаются, чтобы испросить помощи в защите родных городов от вторжения врагов. К Меркурию также обращаются накануне военных сражений, чтобы укрепить воинский дух и отвагу. Является небесным покровителем города Смоленск.
Молитва к Меркурию Смоленскому об сохранении мира в стране и защите ее от вражеских наветов
О, святый мучениче Меркурие, града нашего Смоленска дивный защитниче! Приими от нас благодарственное сие пение, не остави града, в нем же пролил кровь свою святую и увенчался еси венцем победы. Но моли Господа нашего и Спасителя Иисуса Христа и Владычицу нашу Госпожу Богородицу, имуще к ней дерзновение, сохранитися граду и всей стране нашей в благословенном нерушимом мире, всем людем и миру в вере и благодати Христовой, в Церкви Православной, и твоими молитвами спаси души наша. О, преславный и светозарный воине Царицы Небесной! Буди нам помощию и заступлением в чистых и святых мольбах твоих зде и всегда в час кончины нашея и на Страшнем Суде Христовом, да сподобимся и мы с тобою, заступниче и молитвенниче наш святый Меркурие, воспевати страшное и чудное имя Господа Саваофа и Пречистую Божию Матерь во веки веков. Аминь.
Игорь Черниговский, Великий Благоверный Князь
О защите от врагов, обмана, предательства, а также о сохранении мира на русской земле. К нему обращаются, с просьбами о скорейшем освобождении взятых в плен военных.
Молитва к Игорю Черниговскому об мире на земле русской О святый угодниче Божий, страстотерпче благоверный, княже Игоре! Ты из млада Бога возлюбил еси, мудрования плотская, честь и славу княжескую ни во что же вменил еси и монашескаго образа, еще юный леты, достигл еси, к Богу единому всею душею твоею прилепился еси, и благое иго Христово на ся взем, путем спасительным неуклонно шествовал еси даже до смерти мученическия. Сего ради венча тя Господь, блаженне Игоре, венцем славы и прият в Своя Небесная селения, идеже ты ныне, неизреченныя славы и радости наслаждающеся в невечернем дни Царствия Христова, с лики святых страстотерпцев и всех святых Бога о нас умоляеши. Молимся тебе, святче Божий, припадая к честному образу твоему: молися о нас грешных и непотребных, испроси молитвами твоими мира державе нашей, граду сему (и святому храму сему) благодати и милости. Церковь святую огради молитвами твоими от ересей и расколов, пастырем ея испроси ревность и благочестие, всем же нам любовь нелицемерную и терпение даруй, грехов наших прощение, болезней и всяких недугов исцеление. Покрый и сохрани всех нас от всяких бед, скорбей и напастей, да, благодаряще, прославим Святую Живоначальную Троицу, Отца и Сына и Святаго Духа, во веки веков. Аминь.
Мученица Варвара Иллиопольская
Является небесной покровительницей ракетных и космических войск, начиная с 1995 года. С тех пор военнослужащие этих войск, а также их родные и близкие молятся святой Варваре о помощи в преодолении тягот военной службы.
Общая молитва к святой великомученице Варваре. Она может также читаться как молитва солдат, служащих в ракетных и космических войсках
Святая славная и всехвальная великомученице Христова Варваро! Собраннии днесь в храме твоем Божественнем людие и раце мощей твоих покланяющиися и с любовию целующии, страдания же твоя мученическая и в их Самаго страстоположника Христа, давшаго тебе, не точию еже в Него веровати, но и еже по Нем страдати, похвалами ублажающе, молим тя, известная желания нашего ходатаице: моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не отставит от нас вся ко спасению и житию нуждная прошения, и дарует христианскую кончину животу нашему безболезненну, непостыдну, мирну, Божественных Таин причастну, и всем на всяком месте, во всякой скорби и обстоянии, требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здравии пребывающе, славим дивнаго во святых Своих Бога Израилева, не удаляющаго помощи Своея от нас всегда, ныне и присно и во веки веков. Аминь.
Евгений Севастийский, воин-мученик
Воину Евгению, пострадавшему за веру Христову при исполнении военного долга, и являющийся небесным покровителем солдат, молятся о стойкости и мужестве при несении военной службы.
Тропарь мучеников Севастийских, глас 4
Мученик всечестных светлость, пяточисленных страстотерпцев воспоем, славу земных презревших, солнца светлаго Евстратия, премудраго витию со страдальцы, на огнь и муки дерзнувших за всех Царя Христа и от Престола Того славы почестьми венцев обдаренных. Тех молитвами, Христе Боже, спаси души наша.
Величание: Величаем тя, страстотерпче святый Евгений, и чтем честная страдания твоя, яже за Христа претерпел еси.
Равноапостольный князь Владимир
Считается небесным покровителем внутренних войск МВД, чтится как святой покровитель и Божий заступник всех славянских народов. С молитвой к нему обращаются также во время внутренних раздоров и смут в стране.
О великий угодниче Божий, равноапостольный княже Владимире! Призри на немощи наши и умоли Премилосердаго Царя Небеснаго, да не прогневается на ны зело и да не погубит нас со беззаконьми нашими, но да помилует и спасет нас по милости Своей, да всадит в сердца наша покаяние и спасительный страх Божий, да просветит Своею благодатию ум наш, во еже оставити нам стези нечестия и на путь спасения обратитися, неуклонно же заповеди Божия творити и уставы Святыя Церкве соблюдати. Моли, благосерде, Человеколюбца Бога, да явит нам великую милость Свою: да избавит нас от смертоносных болезней и от всякаго зла, да сохранит и спасет рабов Божиих (имена) от всех козней и наветов вражиих и да все мы сподобимся с тобою вечнаго блаженства, хваляще и превозносяще Бога во веки веков. Аминь.
Преподобный Илия Муромец
Илья Муромец, долгие годы охранявший границы государства российского, почитается в православии как небесный покровитель всех служащих пограничных войск. Ему молятся о защите военнослужащих, помощи им в несении службы.
Тропарь, глас 8
Постом душу твою просветил еси, молитвами непрестанными сердце твое сосуд Духа Святаго соделал еси, преподобне отче наш Илие, тем же вся вражия ополчения крепко посрамил еси и, яко победоносец истинный, воздаяния получил еси от Христа Бога, тому помолися о душах наших.
Кондак, глас 8
Христовою любовию уязвив душу, преподобне отче наш Илие, в пещернем мраце свет спасения обрел еси и, яко чадо избранное великих отцев Печерских Антония и Феодосия, вкупе с ними обитель райскую унаследовал еси, отонудуже призирай ныне на обитель земную, в ней же подвизался еси, и молися о чтущих память твою, да зовем ти: радуйся, Илие, молитвенниче о душах наших.
Феодор Стратилат
Почитается как покровитель православного воинства. Ему молятся о небесном заступничестве перед битвами, об укреплении боевого духа, даровании мужества и сил.
Молитва к Феодору Стратилату об защите от врагов. Эта молитва также может читаться матерью о сыне, который служит в армии.
О, святый, славный и всехвальный великомучениче Феодоре Стратилате! Молим тя пред иконою твоею святою: моли с нами и о нас, раб Божиих (имена), умоляемаго от Своего благосердия Бога, да милостивно услышит нас, благостыни у Него просящих, н вся наша ко спасению и житию нужная прошения да исполнит. Еще же молим тя, святый победоносче Феодоре Стратилате, разруши силы возстающих на ны врагов, видимых и невидимых. Умоли же Господа Бога, всея твари Создателя, избавити нас от вечнаго мучения, да всегда прославляем Отца и Сына и Святаго Духа и твое исповедуем предстательство, ныне и присно и во веки веков.
Святой Савва Сторожевский
Ученик Преподобного Сергия Радонежского, который почитается как небесный покровитель служащих российских ВВС. Ему молятся о небесном заступничестве военные летчики, их близкие и родные.
Общая молитва
О пречестная и священная главо! Небеснаго Иерусалима гражданине, Пресвятыя Троицы обиталище, преподобне отче Савво! Велие имея дерзновение ко Всемилостивому Владыце, молися о стаде ограды твоея и о всех по духу чадех твоих. Не премолчи вопия за ны ко Господу и не презри верою и любовию чтущих тя. Испроси предстательством твоим у Царя царствующих мир Церкви, под знамением креста воинствующей, архиереом святительства благолепие, монашествующим доброе в подвизех течение; святей обители сей, граду сему и всем градом и странам охранение; миру безмятежие и мир, глада и пагубы избавление; старым и немощным утешение и подкрепление, юным и младенцам благое в вере возрастание, в Евангельском учении твердое обучение, и в чистоте и целомудрии пребывание; вдовицам и сиротам милость и заступление, плененным отраду и возвращение, болящим исцеление, малодушным успокоение, заблуждшим исправление, согрешающим дух сокрушения, бедствующим, и всем, благодатной помощи требующим, благовременну помощь. Не посрами нас, к тебе с верою притекающих, споспешествуй, яко чадолюбивый отец чадам, и нам понести иго Христово во благодушии и терпении, и всех управи в мире и покаянии скончати живот свой непостыдно и преселитися со упованием во обители небесныя. Идеже ты, по трудех и подвизех, ныне водворяешися со Ангелы и Святыми, зря и прославляя Бога, в Троице славимаго, Отца и Сына и Святаго Духа. Аминь.
Федор Ушаков, Святой праведный воин-флотоводец
Почитается как небесный покровитель военных моряков, которые могут к нему обращаться по всякой требе. Ему также молятся об укреплении боевого духа и веры в победу в морских сражениях.
Молитва о военных моряках Федору Ушакову
О, преславный защитниче земли русския и веры прпвославныя усердный поборниче, непобедиме воине Феодоре! Никая благодарственная словеса, ниже изящная витийства довлеют, во еже прославити праведное и дивное твое житие, понеже измлада крепкую веру во Христа и любовь ко Отечеству стяжав, благоплодное прозябение честных родителей явился еси. Сего бо ради, Божию дару тезоименит, стране своей в скорбныя времена браней против иноплеменных показался еси. Ибо, праведным воеводам подражая, не числом и уменим токмо, но паче верою враги побеждал еси, силу благочестия истиннаго показуя. Темже любовию к тебе распаляеми, воспеваем многия добродетели твоя: велию лювовь ко Господу и ближним, зане тех ради живот полагал еси, чистоту ангелоподобную, тако вся воздержанием удивил еси, нестяжание истинное, ибо благая и красная мира сего презрел еси. Ей, преблаженне Феодоре, угодниче Божий и благоверный болярине царей православных, призри на убогое моление наше, из греховнаго плена к тебе возносимое. Приклони на мать Господа нашего Иисуса Христа, да не воздаст по делам нашим, но обаче дарует грехов оставление, избавит от злых, находящих на ны, и подаст властем нашем и народу усердное попечение, воинству мужество во ратех, народу благочестие трезвенное. И сподобит нас достигнути безмятежнаго пристанища во Царствии Небеснем, идеже со всеми святыми прославляти будем всесвятое имя Отца и Сына и Святаго Духа во веки веков. Аминь.
Апостол Андрей Первозванный
Почитается как покровитель российского военно-морского флота и всех моряков. На военно-морском флаге России изображен Х-образный Андреевский крест. Апостолу Андрею молятся о защите Отечества на воде, и успехах во всех морских операциях.
Общая молитва
Первозванне Апостоле Бога и Спаса нашего Иисуса Христа, Церкве последователю, всехвальный Андрее! Славим и величаем апостольския труды твоя, сладце поминаем твое благословенное к нам пришествие, ублажаем честная страдания твоя, яже за Христа претерпел еси, лобызаем священныя мощи твоя, чтим святую память твою и веруем, яко жив Господь, жива же и душа твоя и с Ним во веки пребываеши на небеси, идеже и любиши ны тоюжде любовию, еюже возлюбил еси нас, егда Духом Святым прозрел еси наше, еже ко Христу обращение, и не точию любиши, но и молиши о нас Бога, зря во свете Его вся нужды наша. Тако веруем и тако сию веру нашу исповедуем во храме, иже во имя твое, святый Андрее, преславно создася, идеже святыя мощи твоя почивают: верующе же, просим и молим Господа и Бога и Спаса нашего Иисуса Христа, да молитвами твоими, яже присно послушает и приемлет, подаст нам вся потребная ко спасению нас грешных: да якоже ты абие по гласу Господа, оставль мрежи своя, неуклонно Ему последовал еси, сице и кийждо от нас да ищет не своих си, но еже к созиданию ближняго и о горнем звании да помышляет. Имуще же тя предстателя и молитвенника о нас, уповаем, яко молитва твоя много может пред Господем и Спасителем нашим Иисусом Христом, Емуже подобает всякая слава, честь и поклонение со Отцем и Святым Духом и во веки веков. Аминь.
Святой Пророк Илия
Почитается как покровитель воздушно-десантных войск России. С молитвами о заступничестве к нему обращаются матери и жены солдат, служащих в ВДВ, а также сами военнослужащие.
Молитва к Илии Пророку о небесном покровительстве и заступничестве во время боевых действий
О прехвальный и пречудный пророче Божий Илие, просиявый на земли равноангельским житием твоим, пламеннейшею ревностию по Господу Богу Вседержителю, еще же знамении и чудесы преславными, таже по крайнему благоволению к тебе Божию преестественно восхищенный на огненней колеснице с плотию твоею на небо, сподобльшийся беседовати с преобразившимся на Фаворе Спасителем мира, и ныне в райских селениих непрестанно пребываяй и предстояй престолу Небесного Царя! Услыши нас, грешных и непотребных, в час сей предстоящих пред святою твоею иконою и усердно прибегающих к ходотайству твоему. Моли о нас Человеколюбца Бога, да подаст нам дух покаяния и сокрушения о гресех наших и всесильною Своею благодатию да поможет нам оставити пути нечестия, преспевати же во всяком деле блазе, да укрепит нас в борьбе со страстьми и похотьми нашими, да всадит в сердца наша дух смирения и кротости, дух братолюбия и незлобия, дух терпения и целомудрия, дух ревности к славе Божией и о спасении своем и ближних доброе попечение. Упраздни молитвами твоими, пророче, злыя обычаи мира, паче же погибельный и тлетворный дух века сего, заражающий христианский род неуважением к Божественней православней вере, к уставом Святыя Церкве и к заповедем Господним, непочтением к родителем и властем предержащим, и низвергающий людий в бездну нечестия, развращения и погибели. Отврати от нас, пречудне пророче, предстательством твоим праведный гнев Божий и избави вся грады и веси отечества нашего от бездождия и глада, от страшных бурь и землетрясений, от смертоносных язв и болезней, от нашествия врагов и междоусобной брани. Укрепи твоими молитвами, преславне, предержащия власти наша в велицем и многотруднем подвизе народоправления, благопоспешествуй им во всех благих деяниих и начинаниих к водворению мира и правды в стране нашей. Пособствуй христолюбивому воинству во бранех со врагами нашими. Испроси, пророче Божий, от Господа пастырем нашим святую ревность по Богу, сердечное попечение о спасении пасомых, мудрость во учении и управлении, благочестие и крепость во искушениих, судиям испроси нелицеприятие и безкорыстие, правоту и сострадание к обидимым, всем начальствующим попечение о подчиненных, милость и правосудие, подчиненным же покорность и о послушании своем рачение. Да тако в мире и благочестии поживше в сем веце, сподобимся причастия вечных благ в Царствии Господа и Спаса нашего Иисуса Христа, Емуже подобает честь и поклонение со Безначальным Его Отцем и Пресвятым Духом во веки веков. Аминь.
P.S. Может так случиться, что за вас некому помолиться и попросить заступничества у Высших Сил. Я готова это делать для вас в эти странные времена великих грядущих перемен. Вы можете написать в комментариях или в личных сообщениях ваше имя, город, род войск.
P.S.S. Благодарность и низкий поклон всем тем, кто встал на защиту Отчизны, за мужество и отвагу вашего Духа и Сердца!